✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
Zindagi piyaar ke nagme sunaana chhod deti hai!!
Wafa jab saaz ulfat ke bajaana chhod deti hai!!
Mukaddar banke milti hai kabhi jab husn ki shokhi,,
Jawaani naaz palkoN par uthaana chhod deti hai!!
Jawaani kehte hai aati hai aksar chaar din ko hi,,
Ye bankar daastaN hi bas fasaana chhod deti hai!!
Mohabbat jab taharti hai kahi par karwaaN bankar,,
Waha ye ashq aur gam ka khazana chhod deti hai!!
YuN hota hai badalte waqt me taqdeer ka aalam,,
Ke jaise dilruba waada nibhaana chhod deti hai!!
Fir ek din maut aati hai sabhi ki haadsa bankar,,
Vo apne baad fir aksar bahaana chhod deti hai!!
Yahi AFROZ duniya hai na pichhe daud is dil ke,,
Juda hoti hai ek din rooh zamaana chhod deti hai!!
✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
No comments:
Post a Comment