✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
GumraahiyoN se door jo insaan ho gaye!!
Imaan laaye haq pe musalmaan ho gaye!!
Sachchi hidayato ne vo dil pe asar kiya,,
Sunkar Quran saahib-e-imaan ho gaye!!
Ayat-e-haq jawano ke seeno me bas gayi,,
Padh kar vo isko hafiz-e-Quran ho gaye!!
Paancho namaaz jisne kari waqt pe adaa,,
Raste zameeN se khuld ke asaan ho gaye!!
Jiski zubaaN pe agaya ALLAH ka kalaam,,
Rehmat ke farishte bhi nigehbaan ho gaye!!
Lehra chali jo charo taraf deen ki fiza,,
Bedeen dekh kar ye pashemaan ho gaye!!
AFROZ jo bhi chal pade islam per unke,,
Jannat me bangaye mahal makaan ho gaye!!
✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
No comments:
Post a Comment