✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
Ho gaya hai ye dil belagaam aajkal!!
Leta hai har ghadi uska naam aajkal!!
Ankh usko hi dekheN bhari bazam me,,
Vo bhi karne laga hai salaam aajkal!!
Dil me uske saja piyaar ka ek chaman,,
De rahi hai fiza ye paigaam aajkal!!
Asma rangta hai uski rangat me roz,,
Roz hoti hai rangeen shaam aajkal!!
Jaane kesa nasha uski nazaro me hai,,
Dil ko bhate nahi may ke jaam aajkal!!
Usko likhna use misro me dhaalna,,
Hai yahi bas yahi apna kaam aajkal!!
Dil-kashi uski AFROZ shero me hai,,
Dil lubhaane laga hai kalaam aajkal!!
✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
No comments:
Post a Comment