✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
Asar jo piyaar ke meethe se do lafzoN me rehta hai!!
Waado me na kasmo me na vo shartoN me rehta hai!!
Koi jab poochhta hai raaz-e-dil gehra mohabbat se,,
Jhalak jaata hai vo posheeda jo qalboN me rehta hai!!
Machalti hai kabhi ulfat ye jab dil me wafa bankar,,
ZubaN me saadgi aur piyaar sa jazboN me rehta hai!!
Muqaddar kesa badla hai mohabbat ka asar dekho,,
Vo na-maaloom tha jo aajkal charchoN me rehta hai!!
JahaN me girti hai jisse wafa ki baarisheN hardam,,
Haya zewar hai uska vo chhupa pardoN me rehta hai!!
Talasho mat zamane bhar me tum gazaloN ki daulat ko,,
Khazaana ye sukhan ka piyar ke parchoN me rehta hai!!
WafaaoN ke kalam AFROZ jab likhte haiN tehreereN,,
Haqeekat banta hai vo khaab jo palkoN me rehta hai!!
✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
No comments:
Post a Comment