✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
Jabse laga hai dil se mere naam-e-mohabbat!!
Har lafz de raha hai ek paigaam-e-mohabbat!!
Likhta hi jaa raha huN mai ash-aar din ba din,,
Pee kar tere suroor me ek jaam-e-mohabbat!!
Has kar jo tumne piyaar se dekha hai ek nazar,,
Lo mil gaya hai dil ko mere daam-e-mohabbat!!
Teri chaahatoN se hai mere dilbar meri subaah,,
Anjaam e berukhi hai meri shaam-e-mohabbat!!
Sabse chhupake rakhe the hamne wafa ke phool,,
Khushbu se unki ho gaya kohraam-e-mohabbat!!
Seh kar tumhaare piyaar me thokar jahaan ki,,
Haske nibha rahe hai ham ahkaam-e-mohabbat!!
Rang-e-hina sa khilta huN ab AFROZ har jagah,,
Bankar tumhare piyar me gulfaam-e-mohabbat!!
✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
No comments:
Post a Comment