✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
Badi masoom hai dilbar meri faryaad ki soorat!!
Mitaa degi mujhe ek din ye teri yaad ki soorat!!
Bataau mai tujhe kese huwa anjaam kiya mera,,
Palat kar dekhle tu hi dil-e-barbaad ki soorat!!
Jiya mar mar ke mai tanha akele hi tumhare bin,,
KaruN kese bayaaN jaane ke tere baad ki soorat!!
Saha hai dard kab has kar kisi insaan ne itna,,
Mere halaat se milti hai kab farhaad ki soorat!!
Suni jab daastaaN meri to uske ashq beh nikle,,
Sanjeeda ho gayi gam se badi jallaad ki soorat!!
Mujhe vo dekhke roya parindo par na jane kiyo,,
Bahut badli hui lagti hai ab sayyaad ki soorat!!
Jawaani ke dareeche pe jo hai aalam mera AFROZ,,
Na ho dushman me bhi aisi kisi afraad ki soorat!!
✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
No comments:
Post a Comment