✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
Gul mohabbat ke khilaaye jaayenge!!
Husn ke gulshan sajaaye jaayenge!!
Khushiya aangan me rahengi jab talak,,
Dil se sab rishte nibhaaye jaayenge!!
Apno begaano me hoga fark yuN,,
Dil sabhi ke ajmaaye jaayenge!!
Ae wafa har roz teri raahoN me,,
Arsh ke taare bichhaaye jaayenge!!
Meri tehreeroN se hoga inquilaab,,
Jab kabhi bebas sataaye jaayenge!!
Piyaar hi barsega har soo jab mere,,
Geet lafzo se banaaye jaayenge!!
Har jagah AFROZ pahunchegi wafa
Jab ye nagme gungunaaye jaayenge!!
✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
No comments:
Post a Comment