✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
Chhupakar chehre ko zulfo me aaNkhe chaar kar dena!!
Vo tera husn ke nashtar ko dil ke paar kar dena!!
Bada hi yaad aata hai mere dil ko juda ho kar,,
Tera chilman me chhupna aur nazar se waar kar dena!!
Mera vo puchhna tujhse ki kiya mujhse muhabbat hai,,
Tera palke jhuka kar ishq ka ijhaar kar dena!!
Na kehna lab se kuchh bhi dil ki yu halat baya karna,,
Ishaara nazro se tera mujhe harbaar kar dena!!
Sataana mera tujhko piyaar me karke sharaarat aur,,
Tera vo rooth kar haalat meri dushwaar kar dena!!
Giraana vo tera dil pe mere bijli adaao ki,,
Mera qaatil adaao ko teri ash'aar kar dena!!
Yahi armaan hai ab to yahi dil ki muraad AFROZ,,
Dobaara fir wahi manzar kabhi ek baar kar dena!!
✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
No comments:
Post a Comment