✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
Husn ke sar pe chadha jab se jawaani ka ye taaj!!
Ho gayiN shokh adaayeN bada qaatil hai mizaaj!!
Behki - behki si nazar aur kabhi larzi si zubaaN,,
Kuchh nirala sa hai tewar mere mehboob ka aaj!!
Kitne armaano ki baarish hui tab jaake ugaa,,
Husn ki shokh fasal se ye mohabbat ka anaaj!!
Dard-e-dil hai wahi mera wahi taskeen-e-jigar,,
Hai bimaari ka sabab bhi vo bimaari ka ilaaj!!
Ae mohabbat ke khuda mujhko tu itna to bata,,
Bewafaai hai mohabbat ki shariat ya riwaaj!!
Jisne toda ho dil loota ho hasratoN ka jahaaN,,
Do sada usko dua hai ye mohabbat ki khiraaj!!
Do dilo ka to hai dushman ye zamaana AFROZ,,
Saamne hai yahi uljhan ishq chhodu ya samaaj!!
✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
No comments:
Post a Comment