✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
Duniya me tabaah ho gayiN mohabbateN tamaam!!
Ab chhaa gayiN diloN pe siyah nafrateN tamaam!!
Lekar fasaad aaya hai daur-e-jadeed ye,,
Kar kar ke ek aati hai ab aafateN tamaam!!
Roti dawa se mehngi hai kapdoN ki khair kiya,,
Gurbat me mehngi ho gayi ghar ki chhateN tamaam!!
Jabse tu dilruba bani ae daur-e-taraqqi,,
Qurbaan tujhpe ho gayi hai raahateN tamaam!!
Khaaki me chhupe chor aur daaku safed posh,,
Looti haiN mulk ki inhone daulateN tamaam!!
Ab zaalimo pe daageN hai hamne qalam ke teer,,
Lut ti hai to lut jaaye siyaah asmateN tamaam!!
Haalat me aisi karte bhi AFROZ aur kiya,,
Jab aapadi to tod di hamne hade tamaam!!
✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮
No comments:
Post a Comment