!!!Kalam ko dil se uthaane me aur kiya hoga!!!

ஜ●▬▬▬▬▬▬▬ஜ۩۞۩ஜ▬▬▬▬▬▬▬●ஜ

Kalam ko dil se uthaane me aur kiya hoga!!!

Yu soye fan ko jagaane me aur kiya hoga!!!

Lo aaj ban ke rahe ga koi shahkaar naya""

Ki haal dil ka sunaane me aur kiya hoga!!!

Hamari ajazi lafzo me tera tanj-o-guroor""

Meri wafa ke fasaane mai aur kiya hoga!!!

Jamal-e-rukh pe takabbur ye tang-dili teri""

Sitam ye naaz uthaane me aur kiya hoga!!!

Ada-e-hushn kashish saadgi haya ke siwa""

Ae shokh tere khazaane me aur kiya hoga!!!

Hai pas tere bahut kuchh magar wafa hi nahi""

Gareeb tujsa zamaane me aur kiya hoga!!!

Koi to roothe ga AFROZ ke ahwaal pe aaj""

Gila yu sabko jataane me aur kiya hoga!!!

ஜ●▬▬▬▬▬▬▬ஜ۩۞۩ஜ▬▬▬▬▬▬▬●ஜ