ஜ●▬▬▬▬▬▬▬ஜ۩۞۩ஜ▬▬▬▬▬▬▬●ஜ
Aankhe jaagi teri ulfat me na laali jaaye!!!
Tujhse hatkar to koi chaah na paali jaaye!!!
Teri ulfat tera armaan teri chaah wafa””
Teri hasrat naa yu is dil se nikaali jaaye!!!
Jab na aaye tera armaan mere dil me nazar””
Koi ek din bhi na aisa kabhi khaali jaaye!!!
Mujhko karde tu mukarrar hi nigehbaan tera””
Tujhse ye hushn ki dolat na sambhaali jaaye!!!
Mai banata hu in lafzo se tere hushn ka aqs””
Tu mile mujhko ya aadat ye niraali jaaye!!!
Tu kehe to mai chala jau teri bazm se door””
Baat mujhse na teri ab koi taali jaaye!!!
Deed mil jaye ye hasrat hai deewane dil ki””
Kese dar se tere khaali ye sawaali jaaye!!!
Dil mera ho gaya AFROZ yuhi tera mureed””
Aur tohmat koi is dil pe na daali jaye!!!
ஜ●▬▬▬▬▬▬▬ஜ۩۞۩ஜ▬▬▬▬▬▬▬●ஜ
No comments:
Post a Comment