!!Shareek-e-gam meri tu mera piyaar hai ke nahi!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

Shareek-e-gam meri tu mera piyaar hai ke nahi!!

Shehar-e-dil me tere ulfat shumaar hai ke nahi!!

Nasha hai mujhko mohabbat ki chaar boondo ka,,

Jaam-e-ulfat ka tujhe bhi khumaar hai ke nahi!!

Tumhaara husn hai mehka huwa gulzaar magar,,

Jamaal-e-ishq ki tum par bahaar hai ke nahi!!

Chain mujhko nahi rehta hai jis tarah ek pal,,

Tumhaara dil bhi sanam beqraar hai ke nahi!!

Waqt-e-fursat kabhi mera sukhan bhi dekho zara,,

Qalam pe shokhiya misro me dhaar hai ke nahi!!

Teergee zulf ki lafzoN me saadgi aur shabaab,,

Gazal me husn ki junmbish vo piyaar hai ke nahi!!

Dekh johar qalam ke mere aur bataa AFROZ,,

Sukhanwaro me mera ab shumaar hai ke nahi!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

!!Dil ke saude me bas kamaayi chot!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

Dil ke saude me bas kamaayi chot!!

Lafz mehke jo hamne khaayi chot!!

Thaam kar ashq aankh me apni,,

Hamne seene pe hai sajaayi chot!!

Dard-e-dil ne hi kardiya shaayar,,

Dekho kaisa ye gul khilaayi chot!!

Vo kiya jaane is dard ki lazzat,,

Dil laga kar na jisne paayi chot!!

Zakhm dekar jo pucha haal us ne,,

Chup rahe ham to muskuraayi chot!!

The vo raazi to tha bada araam,,

Vo jo roothe to ubhar aayi chot!!

Usne jab piyaar jataaya AFROZ,,

Ho gayi aur bhi sawaayi chot!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮