!!Husn ki naaz--o--adaa naa zulf ki zanjeer ka!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

Husn ki naaz--o--adaa naa zulf ki zanjeer ka!!

Ek haseeN kirdaar hai armaaN dil e dilgeer ka!!

Hoor-e-jannat ki bhala hasrat kaha is dil ko hai,,

Dil mera taalib raha hai sadiyoN se ek heer ka!!

Dil huwa ghaayal ye jab se aaya lutf e zindagi,,

Ye asar mujh par huwa hai saadgi ke teer ka!!

Sharm ka tujhpe khazana aur haya ki daulate,,

Ho gaya kaayal mai tere husn ki jaageer ka!!

Dil ruba aati hai aksar jo tasawwur me mere,,

Aks to miltaa hai bas us se teri tasweer ka!!

Tum se mil kar aagayi lo shaayari me umdagi,,

Ab sukhan lagne laga galib shareeke meer ka!!

Jo sikhaaye tumne hai AFROZ un lafzo ki dhoom,,

Har taraf charcha hai dekho ab meri tehreer ka!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

!!Tumne chaahat agar boi na hoti!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

Tumne chaahat agar boi na hoti!!

Dil me hasrat mere koi na hoti!!

Bada ehsaan hai mujhpe tumhara,,

Na hote tum ghazal goi na hoti!!

Na hota piyar jo tera bahar me,,

Mere shero me dil joi na hoti!!

Na hota saath jo tera jahaN me,,

HaseeN ye zindagi hoi na hoti!!

Na milti husn ki aisi bahareN,,

Jawani rangoN me khoi na hoti!!

Tere armaan jo hote na dil me,,

AaNkh meri kabhi roi na hoti!!

Tumhe pa leta mai AFROZ ek din,,

Meri kismat agar soi na hoti!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

!!Meethi si dhoop gunguna mausam yahaaN hai ab!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

Meethi si dhoop gunguna mausam yahaaN hai ab!!

Aayi hai rut haseen november jawaaN hai ab!!

Tum saath ho to gujre razaai me subho shaam,,

Man me umang dil me yahi mastiyaaN hai ab!!

Mad-hoshiyo me haath se chhute na kiyo lagam,,

Tu bhi haseen mera bhi ye dil jawaaN hai ab!!

Sharam o haya se ho gaya qaatil tera jamaal,,

NazareN hai teer surmai abroo kamaaN hai ab!!

Kar de adaa se qatal ya thhokar se maar de,,

Qadamo me ae habeeb tere meri jaaN hai ab!!

Bankar mithaas tu mere lafzoN me ghul gayi,,

Sab log keh rahe hai ye urdu zubaaN hai ab!!

Jaahir karu mai aur kiya AFROZ dil ki baat,,

Tu hi hayaat aur tuhi mera jahaaN hai ab!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

!!Sehmi sehmi si fiza ashqo ka mausam kiyo hai!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

Sehmi sehmi si fiza ashqo ka mausam kiyo hai!!

Shan e hasnain pe bhi ankh ye purnam kiyo hai!!

Martaba sabse hai afzal jo shaheedoN ka agar,,

Ek momin ki shahaadat pe ye maatam kiyo hai!!

Teri hasrat hai jo anjaam-e-tareeqa-e-hussain,,

Waar khud pe hi tera zakhm pe marham kiyo hai!!

Khuld mai hai agar hasnain mujassim to yahaN,,

Taziyo me hai vo shaamil tujhe waham kiyo hai!!

Hussain jang kiye julm o sitamgar ke khilaaf,,

Apne hi jisham pe jaari tera sitam kiyo hai!!

Kab ye hasnain ne chaaha tha ho maatam mera,,

Unki marzi bina ye sil-sila kaayam kiyo hai!!

Hai ibaadat ka ye din ranj ae AFROZ na kar,,

Dard chehre pe tere dil me bhara gam kiyo hai!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

!!Bheeg jayengi ye palke tu arze haal na kar!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

Bheeg jayengi ye palke tu arze haal na kar!!

Zindagi  aei  meri  zaahir koi malaal na kar!!

Tadapna chhod de is waqt ke marham se sabhi,,

Jakhm bhar jayege tu inki dekhbhaal na kar!!

Yaad kar kar ke tere hashar ko zamaane me,,

Aei mere dil tu meri zindagi muhaal na kar!!

Saja hai piyaar ki sehra to ae diwaane dil,, 

Sakht duniya hai badi tu koi majaal na kar!!

Nahi jo tujhko murawwat to sochta kiya hai,,

Chalade teer mere dil pe ab khayaal na kar!!

Har  ek lafz mere  dil  ko cheer deta hai,,

Meri tabaahi  pe aei dost ab sawaal na kar!!

Chhupa ke gam  ko kaleje me muskuraata hai,,

Ghut ke mar jaye na AFROZ ye kamaal na kar!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

!!Dil me rehti hai sada jo teri hasrat to nahi!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮

Dil me rehti hai sada jo teri hasrat to nahi!!

In adaaoN ki kasak se mujhe raahat to nahi!!

Chheen ke dil mera karte ho kiyo meethi baate,,

Ye adaa hi sahi lekin ye sharaafat to nahi!!

Jisko samjha hu mai iqraar e mohabbat tera,,

Dil-rubaa ye teri nazroN ki sharaarat to nahi!!

Dil ke badle nahi karna mujhe dil ka sauda,,

Piyaar hai mail diloN ka ye tijaarat to nahi!!

Husn tera karuN kese bayaaN sheroN me mere,, 

Meethe alfaaz hai firbhi vo nafaasat to nahi!!

Ae meri rooh e gazal jaan e tamanna tumko,,

Meri masoom mohabbat se shikaayat to nahi!!

Ek tabassum pe luytaauN teri gauhar AFROZ,,

Teri khushiyo se badi mujhko ye daulat to nahi!!

✿⊱╮✿⊱╮✿⊱╮✿⊱╮✿⊱╮✿⊱╮✿⊱╮✿⊱╮